Shekara daya bisa mulki: Shugaba Yar’adua a kan mizani

A kwana a tashi ranar 29 ga watan Mayu na wannan shekarar Shugaba Umaru Musa Yar’adua ya cika shekara daya bisa kujerar mulkin Nigeriya. Zaben daya dora shi bisa mulki ya sami suka daga kungiyoyin sa’ido na cikin gida da kasashen waje da jam’iyyun adawa saboda zargin an tafka magudi, wanda ya kaiga shigar da karairaki a gaban kotuna , inda a halin yanzu ana jiran kotun koli ta halasta ko kuma ta soke zaben nasa.
Ya kama aiki a wani yanayi na neman goyon bayan jama’ar kasa , ga kuma yajin aiki na gama gari da kungiyar kwadago ta kasa ta kira saboda neman ya warware wasu manufofin gwamnatin tsohon shugaban kasa Cif Olusegun Obasanjo na sayar da matatan man fetur na Kaduna da Fatakwal da Karin kudin man fetur da haraji. Bayan amsa kiran yan Nijeriya ta hanyar biyan bukatun kungiyar kwadago ta kasa ta data nema , ya dauki alkawarin inganta rayuwan yan Nijeriya ta hanyar aiwatar da kudirori guda bakwai.
Ginshikin mulkin Shugaba Yar’adua kamar yadda ya sha fada zai kafu ne bisa kudirori guda bakwai . Kudirorin sune bunkasa wutar lantarki da samar da tsaro da samun yawaitar arziki da samar da ingantattacen ilimi da kawo sauye-sauye a dokar filaye da kyakyawan tsarin sufuri da warware matsalar yakin Neja Dalta . Amma abin lura da tambaya shine ko Shugaba Yar’adua ya kama hanyar cimma burin sa na kudirorin guda bakwai ? Kuma cikin kudirorin guda bakwai wannene ya warware matsalar ? Sannan shin yana kan hanyar aiwatar da kudirorin guda bakwai? Kuma shin talakawan Nijeriya zasu shedi banbanci a gudanar da yanayin mulkin sa dana tsohon shugaban kasa Obasanjo?
A zancen gaskiya har yanzu yan Nijeriya basu fara amfana da kudirorin bakwai na shugaba Yar’adua ba. In mun dauki wutar lantarki, a kullum lamarin sai kara tabarbarewa yake tayi inda yanzu wutar da ake samu ya gaza awa biyar a rana. Kuma har yanzu yan Nijeriya na sa’ido domin ganin ya saka dokar tabaci a kan wutar lantarki kamar yadda yayi alkawari. Sannan in muka dauki fannin samar da tsaro har yanzu yan kasa na fuskantar barazanar masu aikata muggan laifuka. Kazalika matsalar yankin Neja Dalta na nan inda tsagerun matasa masu dauke da makamai nata cigaba da kawo cikas a harkokin hakan man fetur inda ake hako kasa da ganga miliyan 2 a rana maimakon ganga miliyan 2.4. Fatara da talauci da rashin aikin yi da kuma hauhawan farashin kayayyaki ya tasa talakawa a gaba duk da makudan kudade da gwamnatin ke samu .
Tun hawan sa bisa mulki masana harkokin siyasa ke zargin cewa Shugaba Yar’adua na mulki da sanyin jiki wanda ya janyo harkokin gudanar da mulkin kasa keta tafiyar hawainiya. Suna kuma ganin cewa har yanzu kamar ya kasa gano kan zaren matsalolin dake damun kasar , ga kuma ayi gaba ayi baya kan manufofin gwamnatin sa. Akwai masu ganin cewa mulkin sa cigaban mulkin tsohon shugaban kasa ne Cif Olusegun Obasanjo . Wannan shi yasa ma wasu suke ganin cewa babu wani cigaba da aka samu a shekara daya da yayi yana mulki.
Amma wani abin lura game da gwamnatin Shugaba Umaru Yar’adua shine na kokarin bin doka da oda, inda yake ta kokarin ganin cewa ana bin dokokin tsarin mulkin kasa da bin umarnin kotu sabanin gwamnatin da ta shude. A shekara daya na mulkin sa, Shugaba Yar’adua na bin hukuncin kotuna da suka yanke musamman gwamnonin jam’iyyar sa da kotuna suka soke zaben su, shima kansa yayi alkawarin cewa in kotun koli ta soke zaben sa zai sauka a take ya kuma mika mulki ga wanda kotu tace a mika masa mulki. Koda yake yan adawa na zargin cewa ta bayan gida ana tsoma baki a harkokin shari’a inda suke zargin sa hannun Uwargidan sa Hajiya Turai Yar’adua da hannu a shari’ar data tabbatar da kujerar gwamnan jihar Kebbi Alhaji Sa’idu Usman Nasamu Dakin Gari domin surikin sune. Duk da haka babu zargi kai tsaye na cewa shi Shugaba Yar’adua da kansa ne ya tsoma baki a batun shari’ar.
Kuma tun hawan sa mulki babu zargin cewa yana sama da fadi da dukiyar al’umma kamar a gwamnatocin baya. Sannan ba’a zargin sa da yada cin hanci da rashawa ko kuma bada cin hanci ga yan majalisun kasa dan cimma manufofin sa. Haka kuma ba’a zargin sa da dakile ko kuma kawo cikas ga aiyukan majalisun tarrayya da kawo cikas a aiyukan sashin shari’a.
Yan Nijeriya nada bukatar ganin cewa gwamnatin Shugaba Yar’adua na gudanar da aiyuka na zahiri da zai inganta rayuwar su, kamar samar masu da aiyukan yi da gaggauta kawo karshen matsalar wutan lantarki da rashin sa ke kawo cibaya ga bunkasar tattalin arzikin su da bunkasa aikin gona ko kuma a takaice ya aiwatar da kudirorin sa guda bakwai kamar yadda yayi masu alkawari. Sannan kuma a aikace ya tabbatar da ana zabe na gaskiya kamar yadda yayi alkawari domin baiwa yan kasa kwarin gwiwa kan cewa lallai Nijeriya na bin tsarin dimokaradiya.
Har yanzu mafi yawan yan Nijeriya nayi wa Shugaba Umaru Yar’adua kyakkyawan zato na cewa kila abinda kesa yake jan kafa wajen gudanar da mulkin sa shine na karar dake gaban kotun koli . Ya wajaba a gare shi ya kasance tare da yan Nijeriya ba wai wani ko wasu mutane ba saboda sun tsaya masa ya zama shugaban kasan Nijeriya ba. Lokaci dai baya jira a inda a yanzu har ya shafe shekara daya yana mulki.
Inda za’a gudanar da kuri’ar jin ra’ayin mutanen Nijeriya da mafi yawan su zasu ce su har yanzu basu gani a kasa ba. Rayuwar su babu banbanci da shekaru takwas da Obasanjo yayi yana mulki, kuma sun fara fidda rai kan cewa mulkin Shugaba Yar’adua zai kawo canji a rayuwar su. A watanni masu zuwa yan Nijeriya zasu iya tabbatar da cewa zasu sami canjin da suke tsammani ko kuma cigaba da rayuwa kamar yanda suka shafe shekaru takwas na mulkin Obasanjo cikin matsi da kuncin rayuwa duk da arzikin da kasar ke samu albarkacin hauhawan farashin man fetur a kasuwan duniya.

Shehu Mustapha Chaji
shehuchaji@yahoo.com

OH YEAH NIGERIAN MASSES

Hope as the motivating factor that keeps the Nigerian masses going as usual , today is giving them the courage to withstand the present hardship which has to do with exorbitant prices of food stuff and materials needed for their daily use. Inflation is on the move like wild bush fire consuming and destroying whatever stands on it's way. Worse still, income of Nigerians is not increasing in propotion to the inflation rate, if they are even lucky to have something doing as a means of livinghood.

Insecurity is on the rise.With all security operations, this and that going on in most states of the country . Armed robbery, assasination and thuggery are on the rise and the situation is so bad that in some parts of the country, where in previous years, armed robbery was alien especially on the roads, has now become order of the day , as armed robbery could occur at any time of the day.

Health, which is one of the responsibilities of goverment has been left under funded. If the Nigerian mass is unfortunate to be sick , he/she is in deep trouble as there is a berlin wall of naira between him/her and the hospital. The cheap source of medication to the common man is the traditional concoctions which he can afford. And if the sickness is so bad that there is need for an operation or expensive drugs, it is either- if they have the connection- to seek for public assistance through the media or lie down at home and wait for death. Due to goverment attitude toward provision of basic health amenities which is not forth-coming , it has led to providing booming trade to private hospitals and traditional medicine sellers.

Qualitative education is beyond the reach of Nigerian masses. Public schools now cannot compete with private schools in providing qualitative education as even children of our leaders wards are not attending the schools. Education provides many oppurtunities in life which is even the reason today that children of the poor and downtrodden are able to have the good things of life and even become leaders in their societies. The Elites of today have used their positions to deny the children of the masses the oppurtunity they need to obtain education through implementation of anti-people policies. They have also succeeded in segragating our societies through provision of different schools for the poor and rich from primary schools to universities as their ways will never cross in seeking for knowledge and the quality of jobs after school.

Unemployment also remains one of the problems affecting the Nigerian masses. The trade they are into is congested due to the number of those involved in the trade such as barbers, okada riders, petty trading, selling of recharde cards, labourers e.t.c and they cannot even satisfy their basic needs of day to day living. Due to non availability of power supply which has led to closure of many industries, Nigerian masses have been sent into labour market. Even those employed presently in public and private sector are not comfortable as they can lose their jobs any time in the name of reforms.

The Nigerian masses' votes no longer have any value as those they elect are different from those declared as winners.During election period political , traditional and religious leaders summon the masses to go out enmass to cast their votes, which sermon they oblige to as masses do come out enmass , men and women, to cast their votes. Unfortunately the elections are often rigged and those leaders will come back and lecture them that power belongs to the Almighty! Due to the behaviour of votes stealers and manipulators the masses are now having a second though on future elections as they would not want their times to be wasted.

For a very long time to come Nigerian masses will be taken for a ride as far as they cannot distinquish between justice , tribalism and sectionalism. The elites use the tricks of power shift and rotation to continue to confuse the masses as they mostly have one common agenda of protecting their political class and their intrests.

If Nigerians will allow themselves to be deceived with the issue of return of power to their region or those they share the same faith affiliation with, even if they came through the back door closing their eyes to their ability and capability to lead the nation , it will take a long time for us to have dedicated leaders.

The Nigerian constitution is clear on what are the rights of the Nigerian people , the Nigerian masses should not allow their rights to be infringed on and be turned into second class citizens in their own country. The Nigerian masses should never believe in the propaganda spread that things will never be alright in their country. That there will never be a free and fair election, that corruption is in their blood, that those in authority cannot be quetioned e.t.c. The masses should believe that things will one day be better in their country and they should collectively strive toward this attainment.

It is well known that the Nigerian problem lies in lack of dedicated and good leadership. Any day they are lucky to have a leadership with people's intrest and concern at heart, a focussed leader that attains power legitimately, fearless and not a cohort or errand , surely the country will be on the path of progress and greatness.

Tricks used by the political elites should be understand by the masses as they (the masses) are to be discouraged from democratic process so that they can have a free hand to do whatever they want. The masses should come out enmass during future elections and try to make sure that their votes are counted as they are as it happenned in some states during previous elections . If they refuse to come out to cast their votes in future elections, they should be ready to continue to live under civilian dictatorship in the guise of democratic governance.

It is a duty on all Nigerians to ensure that we have good governance. If they allow themselves to be bought with as little as two hundred naira and some toilet soaps, they are not being fair to their contry. All over the world countries are fast developing especially those with petroleum resources, where food stuffs of the common masses are rice, milk and chicken. But in our own Nigeria with all the billions of dollars gotten from petroleum products , food stuffs like gari, amala and tuwo are not guarentteed three times a day. our politicians lack development ideas to lead our country to greatness, as building of water wells , drainages and distribution of motocycles are achievements they can boast of while in office.

Oh yeah the Nigerian masses when shall you strive for your nation to attain the greatness it deserves in the comity of nations ?


Shehu Mustapha Chaji
shehuchaji@yahoo.com

Shekaru 60 na mulkin PDP: Zancen Ogulafor da kanshin gaskiya

Yerima Vincent Ogulafor , Shugaban jam’iyyar PDP na kasa a kwanananan ya sanar da yan Nijeriya cewa jam’iyyar sa zata mulki Nijeriya na tsawon shekaru 60. Zancen na Ogulafor ya janyo masa suka daga masoya bin tsarin dimokaradiyya na hakika, sannan cikin zantuttukan nasa ya nemi da Nijeriya ta kasance kasa mai bin tafarkin jam’iyya guda daya rak.
Jam’iyyar PDP ta saba da aikata wasu abubuwa daya sabawa tsarin dimokaradiyya. Kuma abin abin mamaki shine yanda suke son abubuwa su kasance haka nan yake kasancewa ko ana so ko ba’aso. Kafin tsohon Shugaban kasa Cif Olusegun Obasanjo ya kamala wa’adin sa na farko, tsohon hambareren shugaban kwamitin amintattu na jam’iyyar ta PDP Cif Tony Anenih yayi shelar cewa babu gurbi ga wani sabanin Obasanjo dake da niyyar zama a fadan mulkin kasa ta “Aso Rock” . Haka zancen ya kasance inda PDP suka tabbatar wa yan Nijeriya cewa babu gurbi a fadar Aso Rock , kuma abubuwan da suka faru bayan haka a yau ya zama tarihi.
Obasanjo da kansa shima a lokacin yakin neman zaben 2007 ya fadi cewa zaben na 2007 zabe ne na “ko a mutu ko ayi rai”, kuma tabbas sun tabbatar wa yan Nijeriya cewa zaben na 2007 na a mutu ko ayi rai ne domin har yanzu kasar da yan kasar basu gama farfadowa da irin mamayan da PDP tayi masu ba. Koda kotunan zabe sun soke wasu zabubbukan na jam’iyyar PDP , jam’iyyar ta bayyana niyyar ta na ganin cewa yan takarar ta da aka soke zaben su, su zata sake tsayarwa dan su koma kan mukaman su, jam’iyyar ta tabbatar da haka a zaben da aka sake a jihohin Kogi da Adamawa.
Wai shin me yasa jam’iyyar PDP ke samun yadda take so ne a kullum? Shin korafe-korafen da yan Nijeriya keyi kan jam’iyyar PDP da yanda ta keta hurumin zabe a zaben 2007 da gaske suke yin ta? Sannan yan Nijeriya suna goyon bayan jam’iyyar PDP ne da yasa ita kadai ce jam’iyyar da ta wasu a ko’ina cikin kasa? Shin gwamnatin PDP ta aiwatar da ayyukan cigaban kasa ne a tsawon shekaru 9 da har yasa yan Nijeriya ke son baiwa jam’iyyar goyon bayan har na shekaru 51 masu zuwa? Lallai yanda al’amurra ke tafiya da kyar in PDP basu yi shekaru 60 suna mulki ba, sai dai in bisa hanya yan Nijeriya sun farga da sanin hakkin su na hakika a tsarin demokaradiyya da kuma samun dammar kidaya kuri’oin su kamar yadda suke.
A yanzu haka jam’iyyar ta shafe shekaru 8 tana mulki. A yanzu kuma Shugaba Umaru Musa Yar’adua ya shafe shekara 1 cikin 4 na mulkin sa a zangon farko (mance da zancen shari’ar dake gaban kotun koli), yayin da zai kamala wa’adin sa na farko jam’iyyar PDP zata ta shafe shekaru 12 tana mulki. Kuma da alamun cewa Shugaba Yar’adua zai ci moriyar gyaran kudin mulkin kasar nan inda kila ayi zancen maida wa’adin mulki zuwa zango guda na tsawon shekaru biyar ko shida , sannan dokar ta fara aiki a shekarar 2011, in ka lissafa shekaru biyar ko shida PDP zata shafe shekaru 17 ko 18 tana mulki.
Kamar yadda aka saba in Shugaba Yar’adua ya kamala wa’adin sa na zangon farko sau biyu(?) sai mulki ya koma kudu kamar yadda Obasanjo ya aiwatar a aikace. Mataimakin Shugaban kasa , Jonathan Goodluck na jira inda shima inda rabon sa ya shafe shekaru 8 a wa’adin zango biyu ko shekaru 5 ko 6 a wa’adi guda a inda a shekarar 20….., PDP zata shafe shekaru kusan 30 ko fiye tana mulki.
Zancen da Ogulafor yayi na samun tsarin jam’iyya daya rak na bisa hanya saboda jam’iyyun da ake kira na adawa a yau sun zama masu fuska biyu kuma yan amshin shatar jam’iyyar PDP . Babbar jam’iyyar adawa ta ANPP a yau ta sami kanta a halin tsaka mai wuya inda ya’yan jam’iyyar nata tururuwan fita daga jam’iyyar zuwa jam’iyyar PDP, wasu kuma sun raba kafa suna makale a kan Katanga kamar gizago. Gwamna Ali Modu Sheriff na jihar Barno , ya bayyanawa Shugaba Yar’adua gaba da gaba cewa in har kotu ta soke zaben sa , to shi da magoya bayan sa zasu yiwa Yar’adua yakin neman zabe . Shi kuma tsohon gwamnan jihar Zamfara Sanata Ahmed Sani, Yeriman Bakura, cewa yayi yana da burin ya mulki Nijeriya , kuma ta shiga jam’iyyar PDP kawai ne zai iya cimma burin sa. Shi kuma Gwamna Isa Yuguda na jihar Bauchi nata kaiwa da komowa domin ganin ya auri diyar Shugaba Yar’adua, in ya cimma burin sa to da wuya ya kasance cikin yan adawa suna adawa da sirikin sa.
Jihohin Kano da Zamfara da suka kasance a sashin Arewa maso yamma shiyyar da Shugaba Yar’adua ya fito , tabbas PDP zata so ta kafa gwamnatoci a jihohin . Ta bangaren jihar Zamfara , tuni Yerima yayi alkawarin komawa jam’iyyar PDP dashi da jama’ar sa . Amma a bangaren Jihar Kano sai da yan dabaru, kuma tuni abubuwa na nuni ga irin rawar da Gwamna Ibrahim Shekarau zai so ya taka bayan ya bar mulki a shekarar 2011. Da alamu Gwamna Shekarau zai so ya taka rawa a siyasar tsakiya kamar yanda takwarorin sa a da gwamnoni sannan a yanzu sanatoci wato Saminu Turaki da Adamu Aliero . Magoya bayan Shekarau tuni suka mika amincewar su da goyon bayan su game da yadda Yar’adua ke tafiyar da kasar nan bisa ayyukan cigaba , sannan labarai nata yawo kan cewa Shekarau da Yar’adua “abokai ne na makaranta” a jami’ar Ahmadu Bello ta Zaria, kuma matan su aminan juna ne, shi yasa ma matar Shekarau tana cikin sahun farko da suka fara zuwa yiwa Yar’adua murna bayan hukumar zabe tace shine ya lashe zaben 2007.
Ta bagaren jam’iyyar A.C tuni ta dare gida biyu da masu son shiga gwamnatin hadin kan kasa da masu adawa. Kuma tuni gaggan jam’iyyar keta ficewa suna komawa jam’iyyar PDP kamar su Alhaji Abubakar Rimi da Alhaji Ghali Umar Na’abba.
Inda gaske yan Nijeriya suke na son bin tsarin dimokaradiyya to da jan aiki a gaban su . A matakin farko yan Nijeriya na bukatar zabe na gaskiya a inda za’a kidaya kuri’oin su kamar yadda suke. Tsarin dimokaradiyya ya ginu ne bisa wakilci na hakika da shugabanci na gari. Magudi da murdiyar zabe da dankara wa jama’a wanda bashi suka zaba ba yayi nesa da hakikanin tsarin dimokaradiyya na gaskiya. In za’a gudanar da zabe na gaskiya yan Nijeriya basu damu ba in jam’iyyar ta PDP zata shafe shekaru 1,000 tana mulki ba wai ma shekaru 60 da Ogulafor ke fadin zasu yi ba.
Yan Nijeriya na bukatar jam’iyyun adawa na gaskiya wadanda zasu jajirce wajen adawa na gaskiya , ba wai jam’iyyun adawa dake amfani da dammar su domin cinikayya da jam’iyya mai mulki ba dan biyan bukatun kansu ba
Hazawassalam
Shehu Mustapha Chaji
shehuchaji@yahoo.com

KALUBALEN DAKE GABAN HUKUMAR FRSC

Hukumar kiyaye hadurra ta kasa (Federal Road Safety Commission)a bana ta cika shekaru ashirin da kafuwa . an dai kafa hukumar FRSC a lokacin mulkin Janar Ibrahim Babangida , dan ta sa ido kan tabbatar da bin dokokin hanya a kan kanana da manyan hanyoyin mu da baiwa hukumomi shawarwari kan halin da hanyoyin suke ciki , kuma inda bukatar gyara, su sanar a gyara. Suna kuma wayar da kan direbobi da sauran jama’a kan alfarnun bin dokokin hanya. Hukumar ta FRSC tayi rawar gani duk da matsalolin da take fuskanta na kunen kashi daga direbobi da kuma kasa aiwatar da shawarwarin da take bayarwa ga hukumomi kan yanayin da hanyoyi kasar ke ciki.
Kasantuwar hadurra na abubuwan hawa na kan gaba cikin jerin abubuwan dake kashe bil adama , inda itace ta tara a jerin annobar dake shekawa da mutane lahira , inda take sanadiyar mutuwan mutane a kalla miliyan daya da dubu dari biyu a shekara a kasashen duniya tare da kusan mutane miliyan hamsin dake samun raunuka.Kuma masana a fegen na ganin cewa in ba’a dauki mataki ba nan da shekarar 2020 hadurra na iya sanadiyar zama annoba ta uku da zata rika hallaka bil adama a duniya.
Matsalar hadurran abubuwan hawa ta sanya a yau da kyar ka sami wani dan Nijeriya da wani nasa bai taba gamuwa da hatsari ba wala ya rasa ransa ko ya sami rauni ko kuma ya tsallake rijiya da baya ba. Amma me yasa har yanzu matsalar dada karuwa yake duk da kokarin da hukumar FRSC keyi? Duk da cewa hanyoyin mu a yau basu da cikaken inganci, bai isa ace rashin kyawun hanyoyin kawai ke janyo yawan hadurra ba. Akwai matsaloli kamar tukin ganganci da gudu fiye da kima da kazamin lodi dake sa karuwan hadurra a kan hanyoyin mu. Sannan uwa uba sakacin hukumomi wajen ganin cewa ana bin dokokin hanya kamar yadda ya kamata.
Shin zamu cigaba ne da zuba ido karfen nasara nata kashe mana mutane saboda sakaci da rashin kula? Zamu cigaba da zuba ido ne wasu yan kunan bakin wake dan suna rike da sitari suna jefa rayukan mu cikin hatsari ? Kuma a yaushe zamu daina yarda wasu suna fakewa da kaddara bayan sun cuche mu dan rashin kula da ganganci ?
Mafi hatsari cikin mutanen dake zirga-zirga bisa hanyoyin mu sune direbobin manyan motoci daga tirela zuwa tifofi da direbobin motocin haya daga bas zuwa direbobin kananan motoci da yan achaba. A kullum kabi manyan hanyoyi sai ka tarar da hatsari wanda ke sanadiyar mutuwan jama’a . A yau in tafiya ta kama ka , to kana kan siradin mutuwa saboda halin masu tuki a kan hanyoyin mu.
Daya daga cikin sakacin hukumar FRSC itace na kasa aiwatar da dokokin hanya kamar yadda ya kamata. Wai shin ina jami’an hukumar ta FRSC suke inda kusan dukkan motocin haya dake zirga-zirga a cikin gari da masu dogon tafiya sun maida mugun lodi ko overload kamar haka dama can ya kamata a rika lodi. Duk motocin haya a yau daga bas-bas zuwa kananan motoci suna loda mutane kamar dabbobi a inda zaka tarar da karamar mota daya kamata mutane uku su zauna a baya za’a loda mutum hudu ko biyar, sannan a gaba daya kamata direba da mutum daya zasu zauna sai ka tarar an loda mutum biyu ko uku bayan shi direban !Sannan har a cikin boot suke loda fasinjoji. Balle yan bas da zasu loda mutane har kan inji , ga kaya an lafta a baya da kan motar . Manyan motoci kam kamar su Roka abun ba’a cewa komai domin ga kaya an loda har can koli sannan ga mutane da dabbobi a can koli bisa kaya.
In harda gaske hukumar FRSC keyi na da’awar suna ganin ana bin dokokin hanya to ya zama tilas , ba sani ba sabo su rika tabbatar da cewa ana bin dokokin hanya. Sannan su tabbatar da cewa duk wanda ya karya dokan hanya to lallai ya fuskanci hukunci mai tsanani. Kuma su rika bincike kan musabbabin hatsari, sannan in aka sami direba da laifin tukin ganganci ko kazamin gudu ko sakaci da sauran su to su tabbatar da cewa doka tayi aiki a kansa da kuma soke lasisin tukin sa na har abada. Inda dokokin su keda nakasu sai su nemi gyaran fuska ga dokokin dan ya basu dammar yin aikin su kamar yadda ya kamata.
Sannan al’umma nada rawa na musamman da zasu taka wajen ganin cewa an sami raguwar hadurra a hanyoyin mu , musamman Malaman addini wajen fayyace wa mabiya bin hakkin haddi . Duk yayin da aka sami wani yayi tukin ganganci ko sakacin daya kai ga rasa rayuwa ko rayuka sai kaji ance wai an yafe! Lallai a wayar da kan jama’a kan muhimmancin bin haddi wato su bi kadin hakkin su. Sannan su daina tsuke bakunan su yayin da dan kunan bakin waken kan sitari zai kaisu ga halaka suna ji suna gani , da kai koken su ga hukumomi kan mai wannan mugun hali.
Hukumar FRSC nada jan aiki a kansu na kare rayuwa da dukiyoyin yan kasa daga hannun mugayen mutane dake fakewa da sitari su hallaka yan kasa. Suna kuma da bukatar tallafi kamar yanda sauran hukumomin tsaro ke samu daga gwamnatocin jihohi da kananan hukumomi da kamfanoni masu zaman kansu da sauran al’umma . Dukkan yan kasa ya kamata su tallafa wa hukumar FRSC domin ganin cewa an sami saukin samun marayu da masu takaba da nakasassu saboda kunnen kashi da mugun hali na wasu marasa tunani da rashin imani da rashin kan gado dan kawai suna tuki a kan hanyoyin mu.

Haza Wassalam
Shehu Mustapha Chaji
shehuchaji@yahoo.com

60 Years of PDP rule : Ogulafor may be right

Prince Vincent Ogulafor, the present chairman of ruling People's Democratic Party (PDP), recently informed Nigerians that his party will rule Nigeria for sixty years. This outburst by the PDP's boss led to series of comdemnation by true democrats, as he even canvassed for one party state, which indirectly means that only PDP should be the party for Nigerians.

The PDP is used to such undemocratic tendencies which they always tend to have their way by hook or crook. Before the end of first tenure of former President Olusegun Obasanjo, Chief Tony Anenih the ousted former Chairman of PDP's Board of Trustees was quoted as saying there will be no vacancy in Aso Rock. Really the party proved to Nigerians that indeed there was no vacancy in Aso Rock as they bulldozed their way into Aso Rock and the rest is now history.

Former President Olusegun Obasanjo also declared the 2007 election as do or die affair and indeed it was do or die as Nigerians have not yet fully recovered from the PDP's onslaught on their country's democracy . Even as elections have been annuled , the party has made it clear that its candidates that had their elections annuled will return to their various offices as it has done in all the bye-elections conducted all over the country. The PDP demostrated this in Kogi and Adamawa States.

Why is it that the PDP always has it ways ? And are Nigerians really sincere with their complaints of PDP's bastardising the nation's democratic process as witnessed during the 2007 elections ? Are Nigerians really supporters of the PDP as the PDP seems to be the only party spread nationally ? Has the PDP performed so well in the last nine years that Nigerians will continue to support the party for the next 51 years as claimed by Ogulafor ? Really the way things are moving the ruling PDP will definately rule for 60 years except when , along the line , Nigerians have become really councious and believed in true democracy , when their votes are really counted.

As said earlier, the way things are moving, the party will rule for 60 years. Already the party had 8 years in it's kitty. President Umaru Musa Yar'adua has 1 year already out of his four years first tenure ( forget about the case before the supreme court). When he completed the first four years, by then PDP has 12 years in it's kitty. President Yar'adua will definately benefit by the out come of the nation's constitutional review as five or six- year single term may be adopted in the amended constitution which may be effective from 2011. If you add 12 years to five or six years by then PDP will have 17 0r 18 years in it's kitty.

As usual when President Yar'adua completed his first two terms (?), power will shift as it has been done (thanks to Obasanjo) to South and guess Vice President Jonarthan Goodluck will be waiting and with all the luck in this world he will enjoy his first single term or two and by 20.... PDP will have almost thirty or even above in it's kitty.

Already we are heading towards a one-party state as canvassed by Ogulafor . The opposition parties are janus faced as they are outdoing one another on the extention of the ruling PDP . Also the biggest party after PDP , the ANPP , is fast dismantling as it's key players are rushing enmass to join the PDP or sitting on the fence for the time been. Governor Ali Modu Sheriff had already declared that if President Yar'adua's election is annuled by the courts he and his supporters will definately support, work and vote for Yar'adua. As for former governor of Zamfara state , Senator Sani Ahmed , Yeriman Bakura , has said , he wants to be Nigerian President and the only party that he can contest on it's platform to realise his ambition is the PDP. As for Governor Isa Yuguda of Bauchi state when he fulfills his desire of marrying one of Mr President daughters he can't be in the opposition against his Father-in- Law.

As for Kano state and Zamfara states that happens to be in the North-west , President Yar'adua's zone definately PDP will desire to have them. As for Zamfara state, Yerima has already promised to move to PDP with all his supporters and structures. In the case of Kano State it has to be trickish and already things are slowly manisfesting as Governor Ibrahim Shekarau is concern about his future after leaving office in 2011 as he may want to go national as his former counter-parts former governors and noe Senotors Saminu Turaki and Adamu Aliero . Shekarau's supporters have already endorsed the good works President Yar'adua is doing and there are stories going round that Shekarau and Yar'adua are "School Mates" in Ahmadu Bello University , Zaria, and their wives are best of friends which is the reason why Governor Shekarau's wife was the first "First Lady" to pay solidarity visit after President Yar'adua was declared winner of 2007 elections.

The big names in Action Congress (AC) have decamped enmass to PDP such as Alhaji Abubakar Rimi and Alhaji Ghali Umar Na'abba . The party is also torn between those in support of joining goverment of National unity and those against it .

Nigerians have to decide for their future if they really want true democracy in their country . They deserve free and fair elections , where their votes really count. Democracy is about true representation and good governance . Rigging and imposition of leaders is far away from true democracy . In free and fair elections Nigerians would not mind if the ruling PDP will rule for 1000 years, not even 60 years as speculated by Ogulafor . And Nigerians deserve real opposition parties not those that will continue to compromise the support Nigerians gave them to trade for their selfish and personal gains.


Shehu Mustapha Chaji
shehuchaji@yahoo.com

Vincent Ogulafor ; Ko zai sake wa tuwo suna?

Yemira Vincent Ogulafor shine sabon shugaban jam'iyyar PDP na kasa.Ya zamo shugaban jam'iyyar ne sabannin harsashen masana harkokin siyasa dake ganin za'a fafata ne tsakanin tsohon gwamnan jihar Ebonyi Sam Egwu mai samun goton bayan tsohon shugaban kasa Olusegun Obasanjo da Sanata Anyim Pius Anyim tsohon shugaban majalisar dattijai dake samun goyon bayan masu adawa da Cif Olusegun Obasanjo, amma sai Ogulafor ya kasance shugaba saboda samun goyon bayan gwamnonin jam'iyyar da yayi.

Kasan tuwan jam'iyyar PDP, jam'iyyar dake mulkin kasa yan Nijeriya zasu cigaba dasa mata ido kan yadda take tafiyar da al'amurran ta.Yanda take fassara tsarin dimokaradiyya na zama abin koyi ga sauran jam'iyyun adawa.Saboda yanda ake ganin jam'iyyar PDP keyi na zama abun koyi ga sauran jam'iyyu,misali yanda ake gudanar da zaben kananan hukumomi a jihohin da take mulki na samun kwaikwayon jihohin da jam'iyyun adawa ke mulki.Kazalika yanda suke tafiyar da harkokin su na zaben fidda gwani da zaben shugabanni na zama abin koyi ga jam'iyyun adawa.

Yan Nijeriya zasu cigaba dasa ido kan yadda Ogulafor zai tafiyar da jam'iyyar musamman siyasar cikin gidan jam'iyyar inda ake dankara wa yan jam'iyya yan takara da bashi suke soba ko kuma sukama zaba ba a lokutan zabubbukan fidda gwani . Sannan za'a sa ido kan yanda zai dawo da daraja da martabar jam'iyyar a idanun yan Nijeriya. Ga talakawan, sukan danganta duk wani cuta ko fin karfi ko kwace ko babakere ko handama ga jam'iyyar PDP.

Ogulafor a baya ya kasance sakataren jam'iyyar na kasa har na tsawon shekaru shida. Sun yi hannun riga ne da tsohon shugaban kasa Cif Olusegun Obasanjo kan zanen tazarce a karo na uku. Ya kasance cikin yan jam'iyyar da suka ki amincewa da wannan burin na Obasanjo.

Amma abin lura game da yanda Ogulafor zai tafiyar da jam'iyyar shine na in zai iya adalci kan batutuwan da zasu taso nan gaba da suka shafi gwamnonin jam'iyyar ganin cewa su suka daura shi bisa kujeran shugabancin jam'iyyar. Shin zai yi adalci a zabubbukan fidda gwani daya shafi gwamnonin PDP dama na Shugaban kasa? Tuni har ya fito fili ya fadawa yan Nijeriya cewa zai mika wuya kashi dari har da daya ga shugaban kasa Umaru Musa Yar'adua. Irin mika wuyan da Dakta Ahmadu Ali tsohon shugaban jam'iyyar yayi ga tsohon shugaban kasa Olusegun Obasanjo ya janyo rudanin da jam'iyyar ta sami kanta da kuma zubar da kimar kasar nan a kasashen duniya game da lamuran zabe. Mika wuyan da Ahmadu Ali yayi yasa Obasanjo yaso ya canza kundin tsarin mulkin kasar nan dan samun zango na uku da kuma yan majalisar dattijai sukayi watsi da zancen ya kiya su "yan iska". Sannan mika wuyan shi ya janyo maye gurbin yan takara da wasu daban da rudanin daya janyo kotuna na nada wadanda basu tsaya zabe ba a matsayin gwamnoni da yan majalisa saboda su suka lashe zaben fidda gwani amma akayi masu fin karfi aka daura wasu daban.

Kalubalen dake gaban Ogulafor sun hada da shin zai iya dawo da martaban jam'iyyar PDP ? Shin zai iya jagorantar yan jam'iyyar domin aiwatar da manufofin jam'iyyar dake zancen inganta rayuwan yan Nijeriya ?Sannan zai iya karkafafa karfin jam'iyya da ikon ya kan masu mukamai na gwamnati?Kuma shin zai iya jagorantar jam'iyyar ba tare da yarda wasu suna tsoma baki ba ko su mayar dashi dan amshin shatar su ba?

Akwai ayyuka masu yawan gaske a gaban Ogulafor inda gaske yake. Misali aiwatar da shawarwarin da kwamitin sulhu da tsohon mataimakin shigaban kasa Alex Ekwueme kewa shugabanci da aka ajiye rahoton a gefe, dan in anyi amfani da rahoton kwamitin watakila wasu yan jam'iyyar ada zasu komo jam'iyyar kamar yanda Alhaji Abubakar Rimi da Alhaji Ghali Umar Na'abba suka dawo jam'iyyar . Da kuma daidaita tsarin shugabancin jam'iyyar a jihohi inda wasu magoya bayan Obasanjo suka mamayeshugabancin jam'iyyar . Sannan ko zai iya taimakawa wajen amsa kiran yan jam'iyyar na dawowa da tsohon kudin tsari mulkin jam'iyyar dan raba Obasanjo da shugabantar kwamitin amintattu na jam'iyyar.

Da sannu yan Nijeriya zasu fahimci salon jagoranci irin na Ogulafor domin ta haka kawai za'a banbanta shi dasu Barnabas Gemade da Audu Ogbeh da Ahmadu Ali da a lokutan su akayi watsi da manufofin jam'iyyar aka rika gasa wa talakawa aya a hannun su, su kuma suka tsuke bakunan su har tasu ta hada su da Obasanjo.Haka kuma yan Nijeriya zasu sa masa ido su gani ko zai yi jagorancin sa bisa gaskiya da adalci da rikon amana da mutumta yan jam'iyya wanda ta haka zai iya sa yan Nijeriya su canza tunanin su bisa jam'iyyar PDP kan yadda Obasanjo ya tilasta masu suke kallon ta.

Hazawassalam

Shehu Mustapha Chaji
shehuchaji@yahoo.com

Talakawan Nijeriya na rayuwa cikin matsi.

In banda karfin hali irin na yan Nijeriya,musamman ma talakawa ba,da sun fara begen gwamnatin baya saboda yanda a kullum rayuwar yau da kullum sai kara wahala saboda yanda kayan abinci keta kara farashi kamar kullun waina.

Talakawan Nijeriya a yau na rayuwa cikin matsi domin kullum yaje kasuwa sai ya tarar da hauhawan farashin kayayyakin masarufi da kusan kashi arba'in zuwa hamsin.Shi kuma abunda yake samu in ma yana da abinyi babu wani kari da yake samu dake tafiya dai-dai da hauhawan farashin kayayyaki.

Ta bangaren tsaro kuma har yau a tsare hanya ayi wa jama'a kwace har da raba su da rayukan su sai cigaba yake.Hanyoyin da a shekarun baya ba'a san yan fashi da makami da tare su ba, suma yan fashi na tarewa a yanzu suna yin fashi har da kisa,,kai kace ko babu jami'an tsaro a kasar.

A yau a kasar nan in talaka ya kamu da rashin lafiya to lallai kashin sa ya bushe.Tsakanin talaka da asibiti sai kallo domin ba zai iya biyan kudaden da suke cazan mara lafiya ba. Sai dai ya sha maganin gargajiya in ya dace ya warke. In kuma rashin lafiyar ya shafi tiyata ko magunguna masu tsada to sai dai in yana da hanya a nemi taimako gun jama'a ta kafofin watsa labarai ko ya kwanta a gida ya saurari mutuwa.Saboda yanda gwamnati keta zame hannuwan ta game da harkar lafiya a yau sana'ar saida maganin bature dana gargajiya da asibitoci masu zaman kansu ya zama harka mai ribar gaske.

Ilimi zamani dama na addini mai inganci yafi karfin talaka.In har kana son ya'yan ka su sami ilimi mai inganci to lallai sai suna zuwa makarantu masu zaman kansu . Sanin cewa ilimi tsani ne ga samun rayuwa mai dadi da daukaka a rayuwar duniya,kamar yadda a yau ya'yan talakawa suka sami dama mai yawa a rayuwar su har da shugabantar al'ummomin su , sai gashi a yau karatu ya gagari dan talaka. Yan boko sunyi amfani da damar da suka samu wajen hana ya'yan talakawa samun ilimi dama raba kan al'umma saboda da ya'yan talakawa da ya'yan masu shuni ba zasu taba haduwa ba ,saboda makarantun su daga firamare zuwa jami'a daban-daban ne.

Rashin aikin yi na cikin abubuwan dake cima talakawa tuwo a kwarya. Sana'oi da kasuwancin da talakawa ke tabawa sun cushe saboda yawan masu yin ta. Misali sana'ar Achaba ko Aski ko saida katin waya ko tireda ko leburanci da sauran su anyi masu yawa har ba'a iya samun na masarufi.Rashin wutar lantarki yasa kamfanoni da masana'antu masu yawa sun rufe wanda zasu iya baiwa dubbban jama'a aikin yi. Masu aikin gwamnati ko manya kamfanoni na cikin fargaba a kullum na rasa aiyukan su,saboda kila a cigaba da raba mutane da aikin su kamar a lokacin gwamnatin baya.

A lokutan zabe tuni talakan Nijeriya kuri'ar sa ta rasa muhimmanci saboda wanda zai zaba daban ,wanda za'a dankara masa daban.Da zabe ya gabato sai shugabanin kasa dana gargajiya dana addini su fito suna umartan talakawa su fito zabe, talakawa kan amsa kiran su ,su fito mazan su da matan su su yi zabe. Amma abin takaici shine sai a tafka magudi sannan a fito a fada masu cewa cin zabe ta haramtacciyar hanya daga Allah ne ! Saboda halin ya bunburutun siyasa na rubda ciki da kuri'oin talakawa lallai talakawa zasu sake tunani a zabubbukan gaba nasu daina zabe gaba daya domin babu bukatar fitowa su bata lokacin su.

Duk da halin matsin rayuwa da talaka ya sami kansa a yau na tsadan kayayyakin masarufi babu wani malamin addini ko basaraken gargajiya ko kungiyoyin bangaranci ko shugabanin siyasa daga shugaban kasa zuwa kansila daya nemi a kawo wa talaka dauki, in ma sunyi magana to dogon turanci ne dama yin shiru shi yafi. Yanda yan amshin shatar gwamnati ke fitowa dan kalubalantar masu neman hakkin su , basa iya fitowa su fadawa gwamnati cewa yunwa na neman kassara talakawa domin tsadar abinci ya wuce hankali.

Rainin hankali da wulakancin da ake yiwa talakawan Nijeriya zai cigaba in har suka kasa banbance adalci da kabilanci da bangaranci. Cikin dabarun da masu mulkin kasar nan ke amfani da ita wajen cigaba da danne su shine na canza taku da zarar talakawa zasu gane, wato tsarin mulkin karba -karba,alhalin su masu mulki dodo daya suke yiwa tsafi. In talakawa zasu cigaba da yarda da zancen mulki yankin su ko kuma wanda suke addini daya dashi ba tare da lura da cancantar sa da hanyar daya ya zama mai mulki ba ,to za'a dade ana shan wahala.

Lokaci kuma yayi da talakawan Nijeriya zasu daina yarda ana mai dasu mara yanci a kasar su ta haihuwa. Kad su gaza ga neman hakkokin su da tsarin mulkin kasa ya basu bisa dokar kasa. Kada su yarda da farfagandar da ake yadawa na cewa Nijeriya ba zata taba gyaruwa ba, mu fara da gyara tunanin mu na cewa Nijeriya zata gyaru kuma tama fi wasu kasashen duniya dake da'awar cigaba. Kowa ya sani matsalar Nijeriya na rashin samun kyakyawan shugabanci ne, duk ranar da tayi dace da shugaba mai kishin al'ummar sa , mai magana daya , wanda ya zama shugaba bisa halartacciyar hanya, jarumi ba matsoraci ba , to lallai kasar mu zata cigaba.

Kuma talakawa su gane dabarun masu mulkin kasar nan na wofitar da tunanin mutane na yanda nan gaba in lokacin zabe yazo zasu ci karen su babu babbaka. A gobe za'a sake zabe talakawa su fito zabe su kuma yi iyakar iyawan su wajen ganin anyi zabe na gaskiya kamar yadda ta kasance a wasu jihohi a zabubbukan baya..In suka yarda suka mika wuya ta hanyar kin fitowa zabubbuka a nan gaba to zasu cigaba da zama karkashin mulkin fin karfi da sunan dimokaradiyya.

Hakki ne daya rataya akan talakawan Nijeriya su taka wa yan cuwa-cuwan siyasa burki dan cigaban kasar mu. In har talakawa zasu yarda a saye su kan naira dari biyu da sabulan wanki , to basu yiwa kansu da kasar su adalci ba.Ko'ina cikin duniya ana ta cigaba musamman kasashe masu albarkatun man fetur da dangogin sa inda abincin talaka shine shinkafa da madara da kaji, amma mu a kasar mu duk da arzikin mu garin kwaki da tuwon hatsi na gagaran talaka sau uku a rana. Yan siyasar mu har gobe cigaban gwamnatocin su shine gina kwalbatoci da rijiyoyi da rumfuna!

Wajibi ne ga talakawan Nijeriya su tashi tsaye dan a basu hakkokin su da tsarin mulkin kasa ya basu. Kin yin haka zai sa su kasance cikin rayuwan kaskanci da rayuwa maras tabbas ga ya'yan su da jikokin su. Bamu da wata kasa data wuce Nijeriya saboda haka dole mu tsaya mu ceche ta dan kawunan mu da bayan mu.

Hazawassalam

Shehu Mustapha Chaji
shehuchaji@yahoo.com